Геосинтетици
|
Терминот Геосинтетици го опишува широкиот опсег на полимерни производи наменети за решавање на проблеми во градежништвото. Овој термин генерално се однесува на следниве главни категории: Геотекстили, Геомрежи, Геомембрани, Геокомпозити и Геосинтетички глини. Полимерната природа на овие производи ги прави погодни за нивно вградување во земја, каде се бара високо ниво на издржливост и трајност. Соодветно употребени истите можат да се вградат и во отворени апликации над земја. Геосинтетиците се достапни во широк опсег на форми и материјали, се со цел исполнување на специфични цели во градежништвото. |
|||||||||||||||||||||
|
|||||||||||||||||||||
|
|
|||||||||||||||||||||
Според начинот на кој се произведени, геотекстилите можат да се поделат во две главни групи: ткаени и неткаени. Суровината од која геотекстилите се изработуваат може да биде: PP, PE, PET.
Неткаените геотекстили на Ерголанд се изработени од механички поврзани континуирани влакна, изработени од 100% UV-стабилен полипропилен. Гарантираат висока отпорност на оштетувања при инсталација, одлични хидраулички својства и долгорочни перформанси. Геотекстилот обезбедува барем една од од следниве функции: Сепарација, Филтрација, Заштита.
Во зависност од употребената суровина, густината на материјалот и процесот на изработка, геомембраните се делат на: геомембрани со висока густина (HDPE-high density polyethylene), ниска густина (VLDPE-very low density polyethylene) и голема флексибилност (FPP-flexible polypropylene). Ерголанд е овластен и ексклузивен дистрибутер за производите на “Agru”-Австрија.
Геомрежите на Ерголанд се произведени од високо-јакостни полиестерски јажиња кои се карактеризираат со висока јакост и ниско ползење. Геомрежите се прекриени со полимерна заштитна облога и се посебно погодни за зајакнување на средно-до крупно-гранулирани почви.
Геокомпозитот се состои од комбинација на геотекстил, геомрежа и/или геомембрана во еден фабрички добиен производ. Исто така геокомпозит претставува и комбинацијата на еден од овие материјали со друг синтетички материјал (пластика, челични кабли) па дури и со природен како што е бентонитот. Главната цел на геокомпозитот е комбинирање на различните функции на геосинтетиците дискутирани претходно: сепарација, филтрација, армирање, дренажа и заштита од ерозија.