Cellu-Cushion® е специјална затворено-ќелиска полиетиленска пена со широка примена во повеќе индустрии меѓу кои и Градежништвото, каде се употребува како топлинска и звучна изолација, заштита од механички оштетувања и слично. Генерално се користи пакувана како ролна со најразлична густина и дебелина на материјалот. Согласно со нејзините карактеристики и наводи за инсталација, Cellu-Cushion® се употребува за изолација на ударен звук.
Спуштениот плафон од минерални плочи претставува економично решение кое ги збогатува естетските и акустичните својства на просторот. Направени од минерално полнило, овие плочи го унапредуваат комфортот во просторот за живеење. Рангот на Армстронг плафоните од минералните плочи е широк и опфаќа систем плочи и потконструкција со најразлични текстури и дизајни, кои спаѓаат во неколку ценовни групи и нудат најразлични перформанси во делот на акустиката, хигиената, противпожарноста, безбедноста итн.